Членот на фудбалскиот клуб Малме од Шведска и новопечен македонски репрезентативец Ердал Ракип ќе се жени. Тој има македонско потекло иако е роден во Шведска, па токму затоа и беше повикан и прифати да го облече репрезентативниот дрес со националните бои на Македонија.
View this post on Instagram
Откаку му се оствари уште една професионална желба, на ред дојдоа и оние, приватните. Можеби и најважната, покрај здравјето секако, а тоа е крунисување на љубовта со саканата девојка со која Ердал е во врска.
Токму затоа Ракип реши да ја побара раката на својата сакана девојка Кандан на класичен начин, но на многу необично место. Имено, тој ја качи на врвот на највисоката кула во во Скандинавија, зградата Туринг Торсо која е висока цели 190 метри и таму неа ја побара за жена.
Ердал клекна на едното колено, како кога фудбалерите им оддаваат поддршка на црномурестите колеги во борба против расната дискриминација на почетокот на мечот, извади веренички прстен и ја побара саканата за жена.
Претходно договорил местото да биде свечено украсено со балони во облик на срце на кои се испишани нивните имиња и датумот на запросувањето, оние другите во облик на буквите „Омажи се за мене“ и секако, дополнителна романтика во вид на свеќи и ливчиња од црвени рози на подот.
За крај, црвен огромен букет црвени рози шампањско за наздравување на почетокот на (пред)брачната среќа на вљубената двојка и секско топла прегратка и бакнеж.
Епа нека е со среќа просидбата и зедничкиот живот на фудбалерот и неговата избраничка. Веридбата да прерасне во свадба и семејството бројно да напредува, а фудбалска Македонија, постојано да победува!
Фото: Инстаграм принтскрин/erdalrakip/ffmacedonia
