Живата легенда на американскиот фудбал и една од најубавите жени на светот ја поминале ноќта заедно, тврдат од „NY Post“, кои воедно објавиле и фотографии од Шајк како излегувала од куќата на Том Брејди.
Како што пишува овој портал, Ирина била видена како влегува во домот на спортистот во вечерните часови, а истиот го напуштила дури следниот ден во 9:30 часот.
Таа била фотографирана во истата облека што ја носела претходната вечер, а двајцата биле забележани како се смешкаат и разговараат додека заедно влегувале во сивиот Ролс Ројс на Брејди.
Папараците го „уловиле“ и моментот кога Брејди во автомобилот ја галел манекенката по образот.
Наводниот пар првпат бил поврзан во јуни оваа година, откако присуствувале на свадбата на нивните заеднички пријатели Џо Намадо и Медисон Хедрик, на Сардинија.
Тогаш се пишуваше дека „жешката“ Русинка покажала интерес за НФЛ ѕвездата – толку многу, што давала сè од себеси за да го заведе.
EXCLUSIVE: Tom Brady, Irina Shayk spotted getting flirty, touchy-feely after sleepover at his house https://t.co/0flZ0REeZW pic.twitter.com/UH661ow0BW
— Page Six (@PageSix) July 24, 2023
Меѓутоа, добро упатените велат дека овој обид на манекенката бил неуспешен, како и тоа дека нејзината „потера“ по Брејди била една од главните теми на овој луксузен собир.
Згора на тоа, спортистот наводно отсечно кажал на одреден пријател на свадбата дека „не е заинтересиран за Ирина“, но дека се спријателиле.
Откако се појавиле овие озборувања, медиумскиот претставник на Ирина демантирал сè. „Оваа приказна е потполна измислица“, изјавила Шери Баун, ПР на познатата манекенка. „Тотално злонамерно“.
Irina Shayk Spends Night with Tom Brady, He Caresses Her Face in Car
Tom Brady seems to have a new love in his life — and it just so happens to be Bradley Cooper’s ex … Irina Shayk, who spent the night at the dude’s house this weekend. Paps caught TB12 and Irina apparently … pic.twitter.com/wbnQuHvcIB— Dr.LyndaBarnes (@MrsBarnesII) July 24, 2023
Да потсетиме, Том Брејди се разведе од бразилската манекенка Жизел по 12 години љубов и брак во кој добија две деца, а оттогаш медиумите го поврзувале со актерката Рис Витерспун и реалити ѕвездата Ким Кардашијан, иако не постоеле докази дека навистина се гледале.
Што се однесува до Ирина Шајк, по долгата врска и веридба со португалскиот фудбалер Кристијано Роналдо, таа беше во љубов со холивудскиот актер Бредли Купер – со кого ја има ќерката Леа де Сена.
фото:Twitter
