Кога на 18-годишна возраст Александра Пријовиќ ги направи првите големи чекори на сцената, не ни сонуваше дека само 10 години подоцна ќе постигне вртоглав успех, ќе стане музички модел за многумина и тема број еден во целиот регион.
По три концерти одржани во Белград, потоа пет распродадени Арени во Загреб и неколку во Сараево, Ниш и Тузла, многумина се прашуваат што е клучот за успехот на Александра Пријовиќ и кој е главниот „виновник“ што таа моментално е број еден ѕвезда во регионот.
Александра се здоби со популарност во „Ѕвездите на Гранд“, а иако многумина тврдат дека за нејзиниот успех најзаслужен е нејзиниот сопруг Филип Живојиновиќ, кој го потпиша нејзиниот нов албум, всушност пејачката неодамна истакна дека нејзиниот труд, труд и посветеност конечно се исплателе.
На самиот почеток на кариерата, кога штотуку го напушти натпреварувањето, Александра беше опкружена со водечки луѓе од „Гранд продукција“, а најмногу и помогна Жика Јакшиќ.
– Најголема поддршка од него добив кога влегов во финалето, кога го потпишав договорот и почнав да работам, да снимам песни. Па, колку години поминаа и сѐуште имаме феноменална соработка, поточно убава врска. И Саша и тој секогаш беа тука за мене, без разлика на се, за секој совет што знам можам да се јавам во секое време – истакна Александра.
