Најпознатата српска модна креаторка Верица Ракочевиќ (72) ја отвори душата признавајќи дека била силувана од познаник кога имала 18 години. Креаторката вели дека се веќе 54 години се кае затоа што не го пријавила во полиција мажот кој ја напаствувал.
„Доживеав страшно искуство кога имав 18 години. Тогаш бев силувана од еден мој познаник. Никогаш не се срамав за тоа затоа што тоа беше негов, а не мој срам! Само ми е жал што не го тужев, сега на тоа гледам како голема грешка“ – рекла Верица.
„Личноста која се дрзнува да силува некого, навистина нема желба за интимна врска. Таквата личност само сака да биде доминантна и да се изживува со послабите. Јас немам друго објаснување. Не го тужев силувачот и не сакав да се одмаздувам. Не им кажав ниту на родителите. Мислев дека морам сама да се справам со тоа и сигурно ќе го издржам подобро ментално од нив. После тоа имав недоверба кон мажите некое време, но сè се среди“ – вели креаторката.
Ракочевиќ вели дека жената може да се разголи колку што сака и тоа не значи дека сака да има интимни односи. „Ако некоја девојка се облекува посмело, можеби е тоа затоа што така и се допаѓа. Никој никому не му дава за право да ја злоупотребува. Жени, бидете внимателни, тешко е да препознаете манијак“!
