Дури и модните божици каква што е Бела Хадид некогаш носат модни парчиња поради кои од дното на душата се каат, и тоа оние од црвениот тепих.
Славниот супермодел Бела Хадид која е прогласена најубава жена на светот, за „Vogue“ разговарала за своите 15 најневеројатни модни комбинации од претходните години.
Една од нив е и црвениот стајлинг кој го носела на црвениот тепих во 2016 година на Канскиот филмски фестивал.
„И натаму сум засрамена кога ќе се сетам на тоа. Иако фустанот е прекрасен, едноставно не се чувствував убаво во него“, изјавила таа.
Станува збор за провокативен и неверојатно сексапилен фустан со потпис на „Alexandre Vauthier Couture“, а Бела не се чувствувала добро во него поради неговиот крој.
Фустанот откривал повеќе делови од телото: нозете, деколтето, грбот… Изрези, отвори, тенки прерамки, малку од дамите би можеле да го износат овој фустан како што тоа го направила Бела, но сепак таа самата била незадоволна.
Бела Хадид изјавила дека во тој фустан се чувствувала „и сексапилно и нервозно“.
За среќа и без оглед на критичниот крој, Бела успеала мајсторски да го износи фустанот: „Тоа е моето алтер-его, Белинда. Јас сум неговата спротивност“.
Поврзани вести
Бела Хадид раскина со своето момче: Причината е нејзината болест и лекувањето на кое се наоѓа со месеци
Го напаѓа целиот нервен систем: Една од најубавите жени на светот се бори со последиците од инфективното заболување
