Минатиот четврток, пејачката Даниела Кариќ и Иван Милеусниќ се венчаа, а свадбата ја организираа во вид на голема, гламурозна прослава за своите пријатели во белградската вила „Јелена“.
Покрај членовите на нивните семејства, на оваа невестинска радост присуствуваа голем број славни личности и колеги – естрадни уметници, а младенците изразија посебна желба на нивната свадбена веселба да запее и младата музичка ѕвезда Милица Павловиќ.
Атрактивна бринета ги остави без здив сите присутни уште во моментот кога се појави во провокативен фустан кој ја истакнуваше нејзината вита става, вајана фигура, телесните атрибути и убавото лице кое зрачи со сексапил, за потоа пејачката да направи луда забава и да ги крене сите гости на нозе.
Павловиќ првпат ги пееше своите големи хитови како што се песните “Божица”, “Могла сам”, “Кидаш ме”, “Еј жено”, “Танго”… за потоа да ги запее хитовите на нејзините колеги, а на крајот и неколку светски хитови.
