Пандемијата со коронавирусот која го зафaти целиот свет, не само што ни стави кочница на секојдневните обврски, нормалниот живот, туку и наметна и една нова реалност за сите.
Поради Ковид 19 се затворени градинките, училиштата, факултетите, а за учениците, студентите учебната година наместо во училишните клупи, амфитеатрите заврши преку онлајн настава и предавања.
И бидејќи наскоро треба да започне новата учебна година надлежните институции деновиве одлучуваа како ќе се одвива наставата, се до вчера кога беше донесена конечна одлука.
Имено, децата до трето одделение ќе почнат да одат во училиште, родителите ќе одлучуваат за нивното физичо присуство, додека за останатите наставата ќе се одвива онлајн со двонасочна комуникација.
Датумот за почеток на учебната година се уште не е прецизиран. Сепак, ваквата одлука согласно препораките на Комисијата за заразни болести е со два исклучока: учениците од 1 до 3 одделение ќе ја следат наставата со физичко присуство, но тука е неопходна согласнот на родителите и ќе бидат испочитувани протоколите кои ги подготвува МОН, а вториот исклучок се однесува на барањата на општините за оние училишта кои имаат мал број паралелки и мал број ученици. Тие, во согласност со епидемиолошката состојба и по нивна иницијатива ќе се разгледува нивното барање дали да се даде согласност за реализирање на наставата со физичко присуство.
По оваа одлука на Владата, се огласи и македонската некогашна водителка Миа Костова која исто така е мајка на осумогодишниот син и е засегната од одлуката за образовниот процес. Таа на својот „Фејсбук“ напиша:
„Многу длабоко се извинувам што не ми доликува ваков речник зошто нели, сум шиемтигаџуројавналичност, но, се извинувам уште еднаш до надлежните, навистина, не дупите ли со школово и децава? Мислам не, сериозно, може ли малку појасно и конкретно? Кој одлучува? Мајките? Хроничните болести во семејство? Децата? Кој? Како по избор? Па вие не сте спремни он лајн настава да имате воопшто не па да има опција и за он лајн и за физичко присуство? Објаснете ми ве молам, тазе сум плава фарбана“, напиша таа, а под објавата се разви дискусија за новата учебна година.
