Мелита со „сите четири во вис“, ужива на покрив: На тераса, како на плажа (ФОТО)

Толку „ука-бука“ околу споениот викенд во карантинот, а ете, го истуркавме и притоа никој „не умре“… од  досада, се разбира! Напротив, убавото време дури некои ги измами семејното гнездо да си го претворат во вистински рај. Велат се’ е до умот, до душа и до локацијата… Ако живеете во семејна куќа со дворче е едно, а во стан во заедничка зграда е сосема нешто друго… Или можеби не е?

Токму Мелита Ракичевиќ покажа дека и животот во изолација може да биде убав, покрај сите маани да има и свои вредности, само ако знаеш да ги искористиш неговите предности. А некогашната водителка и трендсетерка,е токму позната како мајстор(ка) за искористување на приликите, па затоа сончевиот викенд го искористи со обете раце да го „зграпчи денот“ уште од рано наутро.

За волја на вистината иако живее најгоре во зграда, Мелита ја има огромната тераса на  нејзиниот покрив, па затоа, ем има можност, ем знае како и деновите во изолација, да си ги претвори во вистинска уживанција!

Бидејќи по утрото денот се познава, утринското кафе за да не оди на гладен стомак, порција пролетни јаготки и чаша розе’, добро доаѓаат, а лаптопот – како прозорец кон светот, за минутите на Мелита побргу да и проаѓаат.

Денот полека се буди, а бидејќи дамата преферира да биде „шланк“ на масата јужно овошје за појадок и освежување, додека Мелита го започнува своето уживање во домашното летување! Летните столици, прекриени со пешкир за на плажа, а во нив Мели удобно сместена и соодветно наместена, за да го лови секој топол сончев зрак од утро до мрак.

Облечена во едноделен костим за капење, со капче на глава и сончеви очила, испружена со нозете на симсот од својата тераса, Мелита ви ја открива убавината на карантинот. Така распослана со сиот свој телесен раскош, со “сите четири во вис“, екс-водителкта ќе ве остави без здив, додека ја гледате како ужива на покрив. Повикувајќи ве да останете позитивни, Мели вели дека умее во се’ да најде убавина и бесценети моменти на среќа, па дури и кога нема простор за акција, знае како да се опушти во сопствената изолација!

Денот полека заминува и сонцето се спушта над хоризонтот, што значи дека е вистинско време за вечера со прекрасен поглед. Кинеската храна залиена со чаша црно вино е изборот за тој ден на Мелита, ден во кој  нашата убавица,  очигледно уживаше како „кинеска кралица“!

Прашањето е само едно: Со кого Мелита – мома го помина овој сончев викенд дома? Дали во изолација друштво и прави нејзината наследничка Барбара или можеби некој сосема друг учествуваше во чинот на делење на убавините на карантинот?