По „големата прашина“ што се крена околу раскинувањето на пејачко-љубовната двојка Антониа Гиговска – Иван Јованов, почнаа да се плетата приказни за нови пријателско-колегијални шеми кои наводно прераснале и во љубовни. Па така, пејачот на „Либеро бенд“ по неколку заеднички настапи со неговата колешка и другарка на неговата бивша девојка, пејачката Мартија Станојковиќ, ја заскокоткаа јавноста ставајќи ја во недоумица дали во целата, ионака комплицирана ситуација, можеби не се родила нова естрадно-љубовна комбинација: Иван и Мартија?
И доека едни нагаѓаа други негираа, трети шпекулираа, на виделина излезе нива ситуација: Точно е дека пејачката Мартија Станојковиќ има ново момче, кое е позната македонска фаца, ама не естрадна. Имено, Мартија е во тазе љубовна врска со македонскиот фудбалски интернационалец и репрезентативец, Дарко Чурлинов, кој ова лето направи голем трансфер и сега настапува во екипата на „Барнли“ која игра во англискиот Чемпионшип, најсилната втора лига на светот!
Веста ја проследи порталот „Репортер“, откако блиска пријателка на новата љубовна двојка на своите Инстаграм приказни објави фотографија на која Дарко и Мартија во занесот на љубовната еуфорија, страсно се бакнуваат!
Со тоа паднаа сите „теории на заговор“ за неверство кон нејзината естрадна другарка и колешка Антониа Гиговска заради наводно „инпутираната шема“ со нејзиното бившо момче Иван, ама затоа отворија ново љубовно поглавје, нова страница во приватниот живот и интимата на пејачката, а и на фудбалерот. До душа ниту таа ниту тој засега јавно не се огласиле за да ја потврдат или демантираат веста, иако молчењето на некој начин е признание и своевидна потврда на кажаното, објавеното и напишаното.
Ако е така, а фотографијата најдобро говори, многу повеќе и од илјада зборови, тогаш место за недоумици и дилеми нема! Зашто девојката во страсните прегратки на фудбалерот е несомнено слатката кумановка која ја препознавате и по специфичната тетоважа на надлактицата од левата рака!
Новите момче и девојка се спорстско – естрадена двојка која е надежна и многу ветува и во она што го работат и во љубовта, која според прикажаното, како и на секој почеток – цвета!
Така Мартија бакнежите на мама Снежана ги замени со малку поинтимни… Бакнежот на мама е сладок, ама оној на фудбалерот е секако многу повозбудлив!
Оттаму и прашањато, ако врската успее да опстане на подолго време, дали тоа значи дека Мартија се сели во Англија?
Фото: Инстаграм принтскрин/churlinov7/martijastanojkovic
