Владимир Вуксановиќ (31) се заколна на вечна љубов со убавата Латиноамериканка со која беше во врска околу година ипол.
Двојката, како што дознаваме, се венчала пред два дена во Белград, со семејство и неколку блиски пријатели.
Неговата убава сопруга е во блажена состојба, а како што се приближува породувањето, тие ја забрзаа свадбата.
Манекенот Вуксановиќ за српските медиуми потврди дека се оженил, но додаде дека „сè друго е интимно“.
Патем, Владимир започна да објавува фотографии со сегашната сопруга во септември 2018 година додека беше во Грција, а во секоја објава ставаше симбол од срценце.
За потсетување, Владимир Вуксановиќ го поврзуваа со многу српски убавици, особено откако учествуваше во реалното шоу „Преживеан“.
После тоа се шпекулираше дека е во врска со Цеца Ражнатовиќ, но тоа траеше кратко. Се забавуваше и со Наташа Беквалац, одлучија да се свршат, но љубовта не траеше.