Пејачката Александра Пријовиќ вчеравечера во белградска „Арена“ го одржа првиот од трите големи солистички концерти. Како што и самата истакна во претходните изјави дека уште како мало девојче сонувала дека еден ден ќе застане на таа сцена и на своето семејство му должи голема благодарност за поддршката што и ја пружиле на тој пат.
Од натпреварот во „Ѕвездите на Гранд“ на сите им е познато дека талентот за музика Александра го наследила од мајка си Борка, која со години работела како пејачка. Прија никогаш не криела дека нејзината мајка и била голема поддршка кога почнала да се занимава со музика, како и баба и и дедо и со кои пораснала. Иако нејзините родители се разведени, младата пејачка ја имала поддршката од нејзиниот татко Недељко, кој и излегол на помош на неговата ќерка во сите важни моменти.
Во една прилика мајката и ќерката застанаа една до друга пред камерите на „Гранд“, а потоа открија што најмногу сакаат да прават кога го поминуваат времето заедно. Иако сега Александра има многу работни обврски, таа сепак успева да одвои време за своите најблиски.
„Сакаме да пиеме кафе и многу да разговараме. Имаме многу теми, секако, главна тема е малиот Александар“ – ќе изјави Борка за Гранд и открива како го поминува времето со внукот:
„Најмногу играм со него, тој е забавно дете, добро дете кое не плаче. Секогаш е насмеан и весел. Секогаш кога можам доаѓам кај нив, се трудам да го сторам тоа што е можно повеќе“.
