Со години на Јутјуб е популарно видео на кое Маја Николиќ ја пее песната „I Will Survive“ со превод.
Пејачката Маја Николиќ пред 9 години во една емисија ја отпеа хит песната на Глорија Гејнор „I Will Survive“, а снимката набрзо заврши на интернет каде еден духовит автор реши да ја титлува. Во верзијата „со превод“, која на Јутјуб ја нарекуваат „Маја пее на измислен јазик“, пејачката наводно вели: „ај ви сурвајв“ и „ај џаст бокала фајн хелме ба јо фејс“. Николиќ сега се огласи на Инстаграм и побара помош.
View this post on Instagram
„Ова видео на Јутјуб има 994 илјади прегледи. Да ја исправиме неправдата и да ги замолиме сите да го пријават ова видео за да може да се симне и избрише. Затоа што насловот пее на измислен јазик, кој плука по мојот лик и дело и директно ја загрозува мојата кариера. Знаете дека јас сум најнаградуваната пејачка на Србија и Црна Гора, Македонија, Република Српска и сите области на поранешна Југославија, како и фактот дека завршив гимназија Светозар Марковиќ, насока културолошко јазичен смер за преведувач со сите нишани, во Ниш“, напиша Маја на Инстаграм и продолжи.
“Зборувам англиски како мајчин јазик, живеев во Америка 8 години, во Сан Диего и одев на академијата „Стела Адлер“ во Лос Анџелес. Многу е грдо што ова видео е на Јутјуб со години. Ве молам помогнете ми да ја поправам ова неправда и видеото да се тргне, што и ќе се случи ако го пријавиме“.
Фото:Принтскрин/Јутјуб
