Нејзиниот изглед, однесување и бунтовен став беа инспирација за многу генерации, а Мадона на своите обожаватели им покажа дека може да се справи со се’, освен со стареењето. Таа со последниот провокативен потег ги налути и оние кои ја поддржуваат.
Поп-пејачката Мадона (63) позираше како покојната актерка Мерилин Монро, на една од фотографиите дури ја пресоздаде сцената на смртта на најпопуларната русокоса во светот, а со прекумерниот фотошоп ги шокираше и критичарите и верните фанови.
View this post on Instagram
На една од фотографиите може да се види Мадона како лежи на креветот со лицето свртено кон душекот, а на масичката покрај креветот се гледаат шишиња со таблети.
– Поради некоја морбидна и морничава причина, Мадона одлучува да ја пресоздаде смртната постела на Мерилин Монро – напиша една од многуте критичари.
View this post on Instagram
– Одвратно и несоодветно – додаде друг.
Фотографот Стивен Клајн ја сними пејачката за насловната страница на V Magazine, а инспирацијата ја најде во последните фотографии од актерката која почина на 36-годишна возраст.
„Не сум против уредување фотографии, но Мадона не изгледала вака ниту на 12 години“, „Кој е ова?“, „Би било убаво да се види како навистина изгледа нејзиното лице“ – ова се само некои од коментарите.
Иако сè уште е жилава по тело, пластичните операции и го сменија лицето, а неодамна покажувањето на грбот пред камерата никого не воодушеви.
фото:Instagram/Madona
