Лила Филиповска неодамна „ја отвори душата“ и за првпат отворено и непосредно проговори за нејзината најголема животна битка со опаката болест која ја задеси – канцерот на дојката.
По повеќе од една година исполнета со неизвесност, исчекување, стравови и терапии, омилената ТВ водителка победнички може да каже дека сега е здрава. Во битката со канцерот, победи таа – Лила.
Но, тие моменти разбирливо не се забораваат, а грижата за сопственото здравје станува секојдневна, уште посилна и поинтензивна, како опомена дека животот е еден и треба да се живее со полни гради, но и дека треба да водиме сметка како ги трошиме деновите, месеците и годините дадени од Бога.
Претурајќи по албумите со фотографии Лила случајно налетала на една, која и не е така стара, но за не амногу значајна… Направена сосема случајно и спонтано, од една нејзина пријателка последните мигови пред да влезе во хируршкта сала за операција, во болницата во Турција, како што самата вели, на патот за излекување.
Споделувајќи ја фотографијата која симболично го означува нејзиниот живот пред и после оваа слика, Лила споделила и статус во кој сликовито го опишала моментот…
„Кој би рекол дека животот ќе ми се дели на “пред” и “после” оваа слика! Слика направена половина час пред мојата петчасовна операција на канцер на дојка . Сосема спонтано направена од мојата другарка @annie_a_mark a сега сосема случајно пронајдена во мојот албум со слики . И да… оваа насмевка е искрена и многу зборува . Зборува за тоа дека воопшто не се плашев и не траоризирав. Зборува за тоа дека едвај чекав да се случи и да го продолжам патот на излекување! Добро прочитавте: Не, патот на лекување туку на излекување. Зборува за мојата решеност да го издржам и ова патешествие не баре сум тргнала да снимам уште една од моите емисии! А денот студен, зимски ама сончев. Го сфатив тоа како добар знак. И беше !!! Без разлика на тоа што ноќта по операцијата бев во вистинска агонија, без разлика што проклетникит пуштил пипци и по лимфните јазли под пазувите, и што имав закачено три дрена. Кога хирург како др Фатих Ајдован ќе ти каже дека ќе биде се во ред, едноставно знаеш дека треба да му веруваш. Имам уште многу да пишувам ама не се одеднаш. А пишувам само заради Вас кои ја биете истата битка. Првиот чекор до победата е верувањето дека ќе победите! Без него нема да стигнете до вториот. Никој не вика дека ќе биде лесно ама не заборавајте: светот ги памти само ПОБЕДНИЦИТЕ !!!“
Фото: Инстаграм принтскрин/lilafilipovska
