Дарко Петковски – Спејко… стана познат како победник во регионалното реално шоу „Големиот Брат“. Модата, фотомоделството, манекенството, позирињето, модното блогерство… пропратени заедно со сите приватни задоволства, се оние нешта кои му го исполнуваат животот во последно време.
Сепак, неодамна објавивме дека Спејко има нова љубов, нова опсесија, нов порив, овој пат уметнички, па својот скриен талент за цртање и ликовна уметност и го претстави на јавноста.
Објави цртеж и покажа нешто друго, нешто ново, што досега малкумина знаеле дека лежи скриено во „Големиот Брат“.
Имено, Спејко на својот Инстаграм профил тогаш постирал фотографија со цртеж на кој е самиот потпишан. Иако цртежот не е оригинален, сепак е толку многу добро нацртан што просто може да се нарече „копија верна на оригиналот“. А на него, мотивите од плафонот на Сикстинската капела, епохалното дело на Микеланџело, во кое Создавателот му вдахнува живот на првиот човек – Адам.
Тогаш „Кумановскиот Микеланџело“ покажа дека умее и со сликарската четкичка, боите и платното.
Веднаш по објавувањето на првата уметничка слика, Спејко ја објави и втората, овој пат вторска… Еден вид автопортрет иако не е баш тоа. Имено, тој се насликал самиот себе си потпрен на автомобилот, уште еднаш потврдувајќи го својот уметнички талент.
Но. она што особено ја заскокотка јавноста е еедна друга слика која осамна на стафелајот на кумановскиот уметник. Масло на платно на жолта позадина и на него женски акт! Гола балерина во уметнички занос…
А познато е дека кога уметниците ги сликаат ваквите дела, моделите обично им позираат. Вистинско позирање или одново само пресликана фотографија, вистинска балерина или само модел и конечно прашањето: Ако е вистинска, тогаш која е голата балерина на Спејко?
Инспириран ли е Спејко можеби од некоја нова… Љупка?
