Веројатно нема човек на планетава кој не посакува да биде успешен, барем во едно нешто во животот. Барем во една област, професија, натпревар… Да се реализира приватно и професионално е сонот на секој од нас. Уште ако тоа ги надминува вообичаените граници, а резултатите се над очекуваните, тогаш и задоволството е огромно, а ти за околината стануваш – посебен!
Но, сите што стигнале до врвот знаат дека патот до ѕвездите е посипан со трње, со илјадници препреки, стапици, предизвици, а покрај од Бога дадениот талент, за напорната работа и одрекувањата и да не говориме. Успехот има своја убавина, своја сласт и страст, но има и своја цена… Не ретко висока, како што не секој успева! Сепак, успешните се малцинство во морето на просечноста, па затоа некако и се сместени во „големата куќа на славните“, во алејата на великаните… Помали и ли поголеми или уникатни и единствени!
Македонија не е исклучок, како што не е ниту таа, која нема кој не ја знае, дури само ако се спомене нејзиниот прекар – „Бејби“! Уметнички или маалски- сеедно, важно е дека нема кој не знае која е, што е, каква е, колку знае, вреди, како изгледа… една од најпознатите македонски актерки, автор, радио и ТВ водител, писателка, продуцент, театарски педагог, … и што ти уште не, Весна „Бејби“ Петрушевска. Лице од театарската сцена, радио и ТВ етерот, но и надвор од тоа, пријател, другар, колега, самохрана мајка… и сето тоа за почит! Со еден збор: ВП – трејд марк за многу нешта!
Меѓудругото, Весна Бејби Петрушевска важи и за борец за различни парава, жена со отворен ум која нема предрасуди да го „одврзе и јазикот“ таму каде што треба и кога треба, без оглед дали некому тоа му се допаѓало или не и која цена затоа треба да плати?
Овој пат Бејби го прифати прдизвикот кој кружи на социјалните мрежи, наречен #womanempoweringwoman, па одговори јавно да говори за својот успех. Што значи да бидеш успешна жена на овој свет, а да останеш своја… Силна, стабилна, цврста, а сепак нежна, среќна, успешна…?!
Еве го нејзиниот женски пост за „патот до успехот“, низ животот, професијата, предизвиците, проблемите, борбата со самиот себе и околината… И нејзината низа на бројки, поврзани со успехот на Весна Бејби.
„Што е успех? Веројатно кога самиот себеси ќе се победиш. Колку време треба за тоа? Сигурно цел еден живот. На театарските сцени сум од 14 годишна возраст. Пред некој ден наполнив 51, а во мојот МНТ сум 27 години. Бројките се само низа на успехот.Жена во овој свет е да да бидеш свој,да знаеш да се радуваш,да плачеш да бидеш бесна поради неправди, да бидеш на браникот од суровиот живот и беспоштедната борба. Напишав книга за трофеизам #трофеј✅Учам деца актерска игра веќе 15 години и убедена сум дека тоа е единствениот пат да оставиш нешто за тие што доаѓаат после тебе. Продуцирав и автор бев на најгледаното тв шоу, Министерка е рекордер по продадени билети, единствена жена сум која се бави со стенд ап.Веројатно ќе престанам да творам кога ќе ме нема. Но и таму нема да престанам. Фала“ – напиша таа на својот Инстаграм профил пренесувајќи го предизвикот на уште неколку други дами, меѓу кои некои и познати, како каролина Гочева, Ана Шутиновска, Илина Арсова…!
Фото: Инстаграм принтскрин/vesnapetrushevska
