Православните христијани вчераа го прославуваа Бадник, денот кога се собира семејството на трпеза, на која освен храна има и бадниково гранче, кое претставува симбол на светлината и топлината на домот и на сите членови на семејтсвото.
Исто така, за Бадник се подготвува леб со паричка, па се верува дека на оној на кој ќе му се падне паричката ќе има среќна и бериќетна година.
Македонските јавни личности преку социјалните мрежи упатија пораки за Божиќ и Бадник, па открија како изгледа нивната бадникова трпеза и кај кого се паднала паричката.
Весна Петрушевска
Во домот на македонската актерка Весна Петрушевска откри дека паричката се паднала кај неа.
„Само љубов, досадно е знам ама паричката кај мене и второто парче кај @vikidamevksa.
Огнен Здравкоски
Паричката е кај мене. Нека ни е за многу години празникот Бадник, Господ кај сите да дава прво здравје, па се останато, напиша Огнен во описот на заедничката фотографија.
Филип Пецовски
Оваа година паричката се падна кај мене. Нека Бадниковата трпеза донесе мир, љубов, спокојство и здравје во секој дом“, напиша Филип на „Инстаграм“.
Јелена Спенџарска
Македонската водителка Јелена Спенџарска откри дека оваа година паричката се паднала во Господ.
Александар Тарабунов
Тарабануов во кратките приказни на „Инстаграм“ oткри дека паричката е кај него, па така според верувањата тој ќе има успешна и бериќетна година.
Борко Ристовски
Сопругата на Борко Ристовски, Нина Ристовска сподели дека оваа година делат две лепчиња, а во нивниот дом се паднала паричката кај синот Душан.
„Оваа година делиме две бадникови погаџи. Паричката е во Душан за првпат. Во нашето друго дома во Куманово, паричката е во татко ми после 30 години“, напиша Нина.
Антониа Гиговска
„Јас не сум дома, па кршеле и за мене и опппппп кај мене паричката. За многу години. Господ да ни дари успешна година“, напиша Гиговска на социјалните мрежи.
Јоце Панов
Оваа година во домот на Јоце Панов, паричката се падна кај македонскиот пејач.
Аделина Тахири
Честит Бадник, паричката се падна кај мене, напиша Аделина на социјалните мрежи.
Лора Турунџиева
Во домот на ќерката на Сузана Турунџиева, Лора Турунџиева паричката се падна кај нејзиниот син.
Тамара Тодевска
„Кај мене се падна паричката…Некој не е воопшто среќен. Живели“ напиша Тодевска во описот на фотографијата со паричката и нејзината ќерка Хана која „е лута“ бидејќи паричката не е кај неа.
Лила Филиповска, Тијана Дапчевиќ, Мелита Ракиќевиќ не открија кај кого се падна паричката, но ја покажаа бадниковата трпеза во нивниот дом.
Според обичајот и верувањата, бадниковата паричка треба да се стави до икона и да се чува до следната година
