Импресиите и возбудата од финалната вечер на Евровизија која се случи изминатата сабота, никако не стивнуваат.
Поддршка и честитки за пласманот на нашата преставничка, напиша речиси секоја позната личност во земјава и регионот, а особено музичарите и колеги на Тамара кои добро и со професионално уво ги воспримаа песните и изведбите на учесниците.
Пејачката и харфистка Сара Мејс заедно со својот сопруг, водителот Димитар, внимателно го следеа секој момент. Димитар беше иритиран од гласањето на Словенија, а пак увото на Сара не можеше да ја толерира изведбата на поп-каралицата Мадона која беше специјална гостинка на Евровизија во Тел Авив.
Сара на својот профил на Фејсбук напиша коментар посветен токму на настапот на големата музичка ѕвезда и икона.
-Срцебиење имам колку е ниска (интонативно). Мадона, како бе вака жено! – го коментираше Сара настапот на Мадона, но тука не запре со коментарите, бидејќи веројатно не беше задоволна од финалниот резултат и настанот генерално, па се надополни.
-Евровизијо, бруко една! Уа!- пишува Сара Мејс на што доби доста лајкови од своите следбеници, пријатели, обожаватели и секако гледачи на големиот европски музички спектакл.
Инаку, настапот на Мадона крена голема прашина на социјалните мрежи и медиумите, а повеќето ја критикуваа нејзината вокалната изведба, но можеби заборавија дека таа е шоумен на сцената која најчесто има мисија да прати порака, а не да се покаже колку добро пее.
View this post on Instagram
За изведбата на втората песна од нејзиниот најнов албум, на нејзиниот вокал беа додадени ефекти, па истиот и не звучеше така „суво“ за дополнителна критика.
