Фудбалерот ги почестил Каќа и Катја со ексклузивен хотел во Дубаи, а за да биде таму сам со сопругата ја донел и дадилка на неговата ќерка.
Годината што се ближи кон крајот за пејачката Катарина Грујиќ има посебна симболика. Празничната атмосфера која владее со светот во нејзиниот приватен живот дополнително ја засилува 15 декември, датумот кога пред една година се роди нејзината ќерка Катја, која ја има со фудбалерот Марко Гобељиќ.
Музичко-спортскиот пар ужива во хармоничен брак, а пред да го прослават официјалниот прв роденден на својата наследничка, решија да се почестат со летен одмор среде зима во ексклузивен хотел во Дубаи. Извор близок до парот ги открива деталите од гламурозниот одмор на кој Каќа и Марко за прв пат ја зеле малата Катја.
– Марко со ова патување реши да ги изненади сопругата и ќерката кон крајот на оваа година, што за нив е повеќе од значајно поради роденденот на Катја – раскажал изворот.
-Досега само двајцата одеа на кратките заеднички одмори во текот на пролетта и летото, а бидејќи Катја малку порасна, овој пат решија да ја земат и неа. За да имаат време за себе во сончевиот Дубаи, донеле и дадилка која е задолжена да се грижи за нивната ќерка во вечерните часови за да можат да излезат со друштвото.
Дека фудбалерот воопшто не штедел на семејниот одмор сведочи и извор кој ја навел и бројката колку платил за ова ексклузивно патување.
– Овој одмор сред зима, така да се каже, го чинеше Марко 20.000 евра, но тој не сакаше да штеди кога е семејството во прашање, особено што тој и Катарина имаат многу обврски во иднина кога се во прашање нивните професионални кариери како фудбалер и пејачка. Марко не е дел од репрезентацијата, па ова беше идеално време да се почести со одмор. Од Дубаи ги следеше натпреварите и ги бодреше колегите, а се сретна и со своите пријатели кои живеат во оваа земја. Катарина уживаше во сонцето, плажите и базените на хотелот во кој престојуваа. Интересно е што таа не ја оставила својата секојдневна рутина на одмор, па продолжила да се храни здраво и да тренира, бидејќи во хотелот има теретана, велнес и спа центар. Тие беа заедно во текот на денот и поголемиот дел од времето и го посветуваа на својата ќерка, а навечер излегуваа, посетуваа ресторани и клубови, за што ги информираа следбениците на социјалните мрежи – заклучува изворот и додава дека Катарина очекува да се врати на музичката сцена по враќањето од патувањето.
Фото:Принтскрин/
