До крајот на оваа година која речиси сите ќе ја паметиме по коронавирус кој го зафати цел свет, останува уште еден месец.
За Нова Година и новогодишните празници нема да има настапи на плоштадите, а повеќето естрадни уметници оваа година нема да настапуваат.
Во продавниците одамна се продаваат новогодишни декорации, а во центарот на Скопје деновиве се украсуваше и новогодишната елка.
Македонските јавни личности веќе ја отворија сезоната и започнаа со украсување на нивните домови за престојаните празници.
Буба Јаневска во кусите приказни на „Инстаграм“ објави видео во кое ја покажа нејзината елка односно облизу ја снимаше и ги покажа белите, црвените и сивите лампиони.
Водителката на „Живот со стил“, Елена Стефановска исто така се радува на престојните празници и новогодишното лудило.
Она што таа го покажа во својот дом кога станува збор за украси и декориции, се Дедо Мразовците кои ја красат нејзината дневна соба.
Која е следната македонска јавна личност која ќе го покаже својот домашен амбиент во новогодишно руво, останува да видиме.
