На 1ви стартуваше новата учебна година. Иако поради пандемијата со коронавирусот не се знаеше како ќе започне учебната година дали онлајн или не, сепак учебната година започна со физичко присуство.
Учениците по една година се вратија во училишните клупи со препораки за заштита од коронавирусот.
Меѓутоа, оние кои првпат се соочија со нови обврски и започнаа нови поглавја се првачињата.
„Брзај брзај прваче кон училишниот двор“ гласи пораката за малите првачиња. Подготвени и со поддршка од нивните родители, децата тргнаа во нови предизвици и да реализираат нови успеси.
На некои од македонските јавни личности децата тргнаа во прво одделение, а тие убави вести ги објавија на социјалните мрежи.
Меѓу нив и ќерката на Александра Накова тргна во прво одделение, а таа се пофали на социјалните мрежи и напиша:
„Прваче“.
Синот на македонската пејачка, виолинистка Андријана Јаневска исто така тргна во прво одделние.
„Горда сум што сум твоја мајка“, напиша таа.
И синчето на Владимит Блажев – Панчо тргна во прво одделение. Имено, тој на својот Инстаграм објави фотографија од својот наследник и напиша:
„Прваче, нова страна од животот. Среќно синко“, напиша тој.
Со среќа и да редат успеси.
