Пејачката Гоца Тржан беше во Прага поради вештачко оплодување, а сега проговори за своето искуство.
„Немам некои посебни вести, но можам да кажам дека ова беше најдоброто искуство од сите претходни. Не знаев дека може да помине толку пријатно. Прага е центар за луѓето кои се лекуваат од стерилитет и податоците покажуваа дека на многумина им успеало. Со нас беше уште еден пар и тие сега очекуваат бебе. Тоа ни е надеж за следниот период“, вели Гоца.
Пејачката откри каков е нејзиниот план ако вештачкото оплодување на успее.
„Во некој период ќе мора да престанете. Во јули полнам 47 години, но тоа не ме обесхрабрува. Никогаш не сум се чувствувала подбро, свесна сум за својата несвест и сфатив дека не треба премногу да се чувствувам сериозно, туку да живеам со полни гради. Опкружена сум со многу убави работи, па глупаво е да се фокусирам на лошите нешта“ изјави пејачката и открива во што наоѓа утеха кога еден обид за вештачко оплодување не успева.
„Во тоа што имам ќерка 14 години. Порано чувствував притисок поради Раша, но тој има став дека има дете и не сака да се оптеретувам. Така да, сега јас сакам да имам дете, не го правам ова поради него“.
Вештачкото оплодување не е евтина постапка.
„Тоа воопшто не е евтина процедура, но најголема цена плаќате со своите емоции и со своето тело. Никој не знае какви последици може да остави хормонската терапија. Ние поднесуваме хормонска терапија, интервенции, кога одите на тој трансфер воопшто не е лесно. Исто така, претходниот пат се здебелив сега го немам тој проблем. Тоа е шок за целиот организирам“, вели Тржан.
