Ѓорѓе Балашевиќ во 2019 година купил вила на Јадранот во Истра, за која платил околу 400 000 евра, пишуваа уште тогаш медиумите.
Како што пренесуваат хрватските медиуми, Балашевиќ вилата тогаш ја купил преку фирма во која директор е неговата ќерка.
фото: Пиксел/Иван Гргат
Во околината има само уште 8 слични вили кои чекаат во нив да се вселат моќните сопственици, а секоја од нив има 200 квадрати.
Во вилата има гаража за два автомобили, голема дневна, четири спални соби со посебна бања, внатрешна и надворешна кујна, како и подно греење, сауна и џакузи и базен во дворот.
Во близина на вилата се наоѓа Природен парк, а морето е на шест километери од куќата.
Планирал да доаѓа овде на одмор, да ужива по неколку месеци на море по пензионирањето. Нивните први соседи се претежно странци, луѓе кои живеат во Германија, Австрија и Словенија и кои го користат слободното време таму за да се одморат од градските гужви. Сепак, неговата ненадејна смрт го спречи пензионерските денови да ги помине со семејството на Истра.
