Во популарниот ТВ квиз „Се или нешто“ за изминатите шест сезони се појавиле доста интересни натпреварувачи, но во новата седма сезона, студиото го красеше и 20 годишниот супер модел Ангела Василевска од Скопје, која вчеравечер дојде на ред за битка со банкарот.
Токму затоа, камерите често фокусираа во нејзината маркантна појава – убаво лице и уште повпечатливо тело за кое неодамна се врати од избор во Бугарија со титула токму за најубаво лице и тело од сите натпреварувачки.
Имено, за најважната вечер во „Се или нешто“ Ангела се појави во специјален црвено-син фустан, во боите на квизот и ги покажа своите долги нозе, витка става и убаво лице.
При запознавањето со Лила кажа дека квизот навистина ќе и послужи за промоција во кариерата.
Што се однесува на освоеното од банкарот, Ангела играше по своја шема, но за жал не беше толку среќна и успеа да му земе на банкарот само 4000 денари.
По завршувањето на квизот, згодната скопјанка се огласи на својот Инстаграм во врска со учеството:
-Не му земавме многу пари на банкарот, но беше незаборавна дружба и забава, напиша Ангела.
Инаку, Ангела Василевска околу пет години се занимава со манекенство и е дел од модното студио „Црнокрак“, а натпреварите за убавина се чест дел од нејзината агенда.
Таа е студентка при филозовскиот фекултет во Скопје, додека слободното време го користи за фитнес вежби, возење велосипед и дружби со семејството и најблиските.
