Поп пејачката Елена Ристеска неодамна се врати од Русија каде имаше свој настап на еден фестивал, а деновиве пак активно е посветена на подготовките за специјалниот концерт кој ќе го одржи пред домашната публика.
Имено, Елена оваа информација ја сподели со своите обожаватели и следбеници на социјалните мрежи и најави дека конечно после долго време ќе пее пред скопската публика.
По неколкуте проби кои ги направи со својот бенд, за Елена денес е тој момент кога вечерва пред своите обожаватели ќе ги испее своите најголеми хитови.
Друштво на бина ќе и прави и поп-пејачот Александар Тарабунов кој го најави како свој колега, но и многу добар пријател.
Инаку, Елена изминатите неколку години беше активна со настапи, но претежно на ВИП забави, а пак пред неколку месеци настапуваше во една дискотека и пред струмичките обожаватели.
Kон крајот на 2015 година Елена Ристеска го издаде својот трет албум насловен „Без шминка“, песни кои веројатно вечерва ќе се најдат во најголем дел од нејзиниот репертоар.
