За секоја една манекенка, особено достигнување е да биде протагонист барем еднаш во едиторијалите на реномираниот моден магазин Вог и тоа независно за кое издание.
Нашата нескромно кажано најуспешна манекенка со интернационална кариера, Катарина Ивановска тоа досега го направи не само за Вог, туку и за многу други престижни светски модни магазини.
Оние подобро упатените во модата, повеќе ги следат нејзините ангажмани, а овој пат таа пред своите следбеници на социјалната мрежа Инстаграм објави фотографии од шпанското издание на Вог, снимени на плажа во Венецуела.
Трите жешки фотографии каде Ивановска рекламира костими за капење, ги објави нешто по полноќ на својот профил, а веруваме дека најтешко да дојдат до сон после таквата глетка и беше на мажите.
