Американскиот пејач Мајкл Џексон е прв на листата на мртви ѕвезди со најголеми примања, листа спроведена од магазинот Форбс.
Џексон веќе петти пат по ред е на прво место на оваа листа. Неговиот годишен приход изнесува 75 милиони долари. Минатата година, музичарот кој почина пред осум години, заработил 825 милиони долари – повеќе отколку кога бил жив.
На второ место се наоѓа голф играчот, Арнолд Палмер, кој починал во септември минатата година и заработил 40 милиони долари. Трет е карикатуристот Чарлс Шулц чии стрипови “Чарли Браун” се објавувале 50 години и неговиот годишен приход е 38 милиони долари.
На четвртото место се наоѓа Елвис Присли кој заработил 35 милиони долари, додека на петото место се најде Боб Марли со годишен приход од 23 милиони долари.
изворточка.мк
