Во далечната 1994 година, пејачот Јашар Ахмедовски доживеа голема семејна трагедија. Тогаш, неговиот брат Ипче Ахмедовски го загуби животот во сообраќајна несреќа на 28-годишна возраст. Тие потекнуваат од селото Лажани, прилепско, но кариерата ја градеа во Белград, додека беше некогашна Југославија, а Јашар и ден денес живее и пее таму.
Јашар Ахмедовски, е еден од ретките пејачи кој успеа да ја зачува својата приватност од јавноста. Јашар ретко дава интервјуа, па дури и кога тоа го прави, нема желба да открие премногу.
Сепак, тој ја отвори душата и зборуваше на разни теми, откривајќи многу досега непознати детали од животот. Меѓу другото, тој се присети на неговиот покоен колега, нашиот ангел , македонската музичка икона Тоше Проески, па откри какви потешкотии имал на почетокот на кариерата.
„По смртта на Ипче, го направив ‘Ипче фест’ во Лажани, каде ззнаеа да дојдат и по 30 – 40,000 луѓе. Дури и тогаш анонимниот Тоше Проески дојде и се пријави на конкурсот, но тој не се натпреваруваше, бидејќи сепак беше во прашање народна музика, па тогашните членови на жирито во кое јас не бев член, не му дозволија, бидејќи така процениле. Замислете еден Тоше бил одбиен, зашто не пее народно!
После тоа, поради некои политички превирања во Македонија, тој фестивал згасна“, раскажа Јашар во емисијата „Печат на времето“.
