По победата во „Ѕвездичките“ стигнаа многу понуди за настап и соработка со музичари за малиот Љуба Станковиќ. Сепак, Северина ги претрка сите, па со Љуба сними дует и спот за песната „Туторијал“. Сега тој ќе биде гостин и на нејзините настапи.
-Ми беше супер со Северина. Многу е убава, вели малиот талент, а неговиот татко Бобан додава:
-Потпишавме договор со Северина за снимање песна и спот, но не сакавме никаков хонорар, бидејќи не сакаме нашето дете сега да работи за пари. Сака да пее, тој пее штом ги отвори очите. Нему животна желба му е да пее, а ние го поддржуваме за се што сака. Затоа не ни треба хонорар, но Северина инсистираше да плати. Следно ќе не бара за настапи, кога ќе сака љуба да пее со неа, а ние ќе го однесеме, вели таткото на талентираното детенце.
