Без разлика дали е лето или зима, совршено тело мора да се има. Цврсто ко легура, извајано ко скулптура!
Токму до оваа максима отприлика се придржуваат познатите личности, особено естрадните ѕвезди за да ја одржат и зголемат својата популарност. Насекаде во светот, па и кај нас.
Затоа и внимаваат што јадат, што пијат, колку спијат, вежбаат, тренираат, се одржуваат со третмани и масажи… И оди после кажи дека не се убави, привлечни, згодни, неопходни… До душа, не баш сите, ама во последно време, повеќето од нив. Eдна од оние, за која сето претходно кажано ВАЖИ, е Елена Ристеска.
Македонската поп дива се фати себе си на телевизија во една постара емисија, во која изгледа малку пополничка од она што треба. Или поточно од она што денес е… па со шеговит пост се прокоментира себе си: „Кога ќе се начекаш себе си на ТВ во постаро шоу и подебела верзија“ – напиша Елена.
Не, не подебела… никако! „Само малку сочна“ – што би рекле некои од нејзините пријател(к)и! Ама тоа беше тогаш… Оттогаш, Елена има друг режим на живот и исхрана. Секојдневни вежби, малку теретана, малку џогинг, малку Водно… здрав живот и долг сон и Елена „се стопи“! Од „сочна“, се направи „восочна“!
Видно ослабена, со манекенска става, со фигура која и прилега на светски топ модел, поп пејачката на последните фотографии изгледа како од насловниците на светски модни магазини.
Не дека и порано не била убава, напротив… беше авион! Ама затоа… сега е ракета!
