Пејачката со албанско потекло Дуа Липа (25), го шокираше регионот во претходните месеци промовирајќи ја таканаречената „Голема Албанија“, што предизвика лавина негативни коментари во Србија, Македонија, Грција и Црна Гора, како и со тврдењата дека „Косово никогаш нема да биде Србија“. Потоа таа и си го присвои македонскиот ајвар, рекламирајќи го како како албански производ, на што подоцна се надоврза и нејзината „сестра по крв и микрофон“, пејачката Бебе Реџа.
И додека прашината се’ уште не спаднала, а реакциите на нејзините небулозни коментари се’ уште се редат, Дуа Липа одново сите ги шокираше со нов потег за кој се зборува.
Имено, пејачката планира да одржи онлајн концерт на Интернет кон крајот на месецов, за кој ќе се плаќа доколку саката да го гледате, па така таа сношти „ги покани“ сите што живеат во регионот да платат билет за да го гледаат и да го слушаат нејзиниот настап.
„Билетите за концертот сега се достапни и за овие територии: Унгарија, Чешка, Грција, Хрватска, Словенија, Косово, Албанија, Северна Македонија, Црна Гора, Србија, Босна и Херцеговина, Словачка и Бугарија! Нарачајте го својот!“ – порача преку социјалните мрежи, кои вријат од нејзината безочна и безобразна дрскост, која се огледа во тоа што прво ги плукаше и обезвреднуваше, а сега ги кани на концерт граѓаните на истите тие земји, кои наместо држави, ги нарекува „територии“!?
