Веднаш по разговорот со репортерот кој се јавувал од терен, водителката на информативната програма Теледиарио Монтереј, Памела Вилануева, колабираше во студиото.
Девојката наеднаш се заниша, ја прекина реченицата, а потоа со тетеравење падна во несвест.
Што доведе до тоа ќе откријат лекарските прегледи, но Вилануева се врати на работа следниот ден.
– За жал, тоа не беше шега. Се онесвестив, но сега се чувствувам добро. Како и да е, ќе ги направам потребните тестови, а во меѓувреме им благодарам на сите што се грижеа за моето здравје – изјави таа.
Вилануева претпоставила дека изгубила свест затоа што тоа утро не појадувала добро, а во една од објавите од срце му се заблагодарила на камерманот Хуан Диего, кој успеал навреме да ја фатил и да ја спречи да се удри со главата на подот.
View this post on Instagram
На својот профил на Инстаграм таа во понеделникот потврди дека им се вратила на обврските и дека се враќа во студио во полна форма.
фото:You Tube printscreen/ Instagram paamvillanueva
