Два мигранти упаднале во семејната куќа на Дино Мерлин во Сараево, пишува Дневни аваз.
Неофицијално, тие во домот на пејачот влегле преку прозорецот и не го забележале видео надзорот.
Штом упаднале во куќата веднаш се активирал алармот и не успеале ништо да украдат. Полицијата веднаш пристигнала, а по потрагата успеа да го уапси едниот крадец.
Дневни аваз пренесува дека извор близок на истрагата открил дека едниот мигрант немал документи кај себе, па полицијата не можела да го идентификува.
„Станува збор за младо момче кое даде два датуми на раѓање. Еднаш кажа дека е роден 1997 година, а вториот пат кажа дека е роден 1998 година“, вели иворот за Аваз.
Мерлин и неговото семејство не биле во домот кога упаднале мигрантите.
