Добро познатата екипа повторно заедно: Талат, Марио, Јелена…..дојдоа на гости кај газда Ула од „Преспав“

Откако заврши третата сезона на популарната македонска хумористична серија „Преспав“,  гледачите останаа со прашалници дали ќе има продолжение од омиленото раководство на пансионот „Преспав“. И одговорот на радост на бројниот ТВ аудиториум е – ќе има!

Имено, Тијана Дапчевиќ која ја имаше улогата на Германката Ула на својот „Инстаграм“ неодамна најави дека во средината на октомври започнуваат снимањата на новата сезона на „Преспав“, а нејзиното емитување ќе започне во декември.

Во претходната сезона имавме прилика да го гледаме секојдневието во „Преспав“, па ликовите со своите карактеристики и разни карактери знаеја да ја насмејат публиката до солзи.

фото: Принтскрин/инстаграм

Рецепционерот Талат со својот смешен изглед и хумор, брзо ја освои македонската публика и стана еден од омилените лекови, а на социјалните мрежи се најдоа многу негови смешни цитати.

Германката Ула која ја игра Тијана Дапчевиќ беше сопруга на Коста и се обидуваше да го убеди да си заминат од пансионот.

фото: Принтскрин/инстаграм

Тука беа и чичко Миле, инспектор Томе, Јелена од Драчево, Коста…

Сите со своите особини ги создаваа и ги решаваа проблемите, а заедно направија серијата да биде најгледана и со нетрпение да се очекува новата сезона.

Како што и најави Дапчевиќ, новата сезона започна да се снима деновиве, а веќе на социјалните мрежи се појавија и првите фотографии.

Имено, на „Инстаграм“ е отворен профил на ликот Ула каде се објавени првите фотографии од снимањето, а газда Ула се пофали кој ја посетил.

„Дојдоа Марио и Јелена на гости малце“ напиша Ула во една објава на „Инстаграм“.

фото: Принтскрин/инстаграм

На фотографија со Дритон, односно со Талат, Ула напиша: „И Талат дошол да посети газда Ула“, стои на профилот на Ула.

фото: Принтскрин/инстаграм

Тијана на својот „Инстаграм“ исто така објави фотографија во ресторан со своите колеги од „Преспав“ и напиша:

„Со моите колеги од Преспав“.

фото: Принтскрин/инстаграм

Тие исто така во ресторанот го прославија и роденденот на Јелена Јованова.

фото: Принтскрин/инстаграм

Што не очекува во четвртата сезона на „Преспав“ и какви промени ќе има останува да видиме.