Минатата година, кога Србија ја надигра Португалија во последното коло од квалификациите за Светското првенство, најголемо внимание привлече Немања Радоњиќ, кој го спаси расплаканиот Кристијано Роналдо.
Немања Радоњиќ има 26 години и е од Ниш, но малкумина знаат дека неговата девојка, која долго време ја криеше од јавноста, му дава најголема поддршка. Тој повеќе од една година е во врска со атрактивната српска манекенка Исидора Кадијевиќ.
Немања пред да ја запознае Исидора добро се забавувал, а пред се со убави девојки, поради што го нарекувале „крал на сплавовите“. Сепак, тој реши да се смири и да се посвети на кариерата, а за тоа многу придонесе атрактивната бринета.
Парот прво ја криеше својата љубов, па не можевме да ги видиме нивните заеднички фотографии на социјалните мрежи. И двајцата имаа само една заедничка фотографија на Инстаграм – на која не им се гледаат лицата.
Она што ги издаде се коментарите кои си ги оставија еден на друг, но и некои работи кои ги направија на социјалната мрежа. Сепак, засега јавно не ја коментираат нивната врска.
Исидора Кадијевиќ се занимава со манекенство, има 25 години, а поради физичкиот изглед многумина ја нарекуваат „Српската Кендал Џенер“.
На нејзиниот Инстаграм профил често може да се забележат бројни проекти и кампањи во кои таа е ангажирана кога е во прашање манекенството, а она што е интересно е што Исидора доцна почнала да се занимава со овој бизнис.
– Морам да признаам дека ми се допаѓа овој епитет. Да се биде „двојник“ на една од најубавите жени на светот е навистина голема работа. Свесна сум дека физички личиме, но се трудам секогаш да оставам свој личен печат – истакна Исидора за Телграф.рс на темата за сличностите со Кендал.
Фото:Принтскрин/Инстаграм/izzadorable
