На годишнината од нивната романса која трае, најпознатата македонска љубовна двојка инфлуенсери Љупка Митрова и победникот на Големиот Брат, Дарко-Спејко снимија кус видео едиторијал кој го снимил уметничкиот фотограф Дарко Митев. „Love story“ видеото е направено во Грција, нивните следбеници беа воодушевени од материјалот.
„Следниот проект се работеше на Копаоник, па затоа бевме зафатени цело лето. Љупка и јас во моментов сме единствената двојка инфлуенсери на Балканот и така не ангажираат за разни реклами.
Друга работа која медиумите постојано ја пишуваат за нас е наводно нашиот влез во реално шоу како двојка. Не бомбардираа со пораки и прашања дали влегуваме или не? Љупка и јас решивме да останеме резервирани и ниту ги потврдивме, ниту ги негиравме овие шпекулации.
Поминаа точно три години од мојот влез во Големиот Брат од кој по 100 дена излегов како победник и тоа чувство е неописиво. После тоа не следев ниту едно ријалити, но не можев да го игнорирам ова последново, бидејќи социјалните мрежи и медиумите само се зборуваше за некои измами, прељуби и скандали и тоа ми беше дното на дното.
Мислам дека Големиот Брат беше поинтересен и никој од следните не би бил на тоа ниво. Сега не сум расположен да правам ријалити кариера, но за да добијат повисок рејтинг и гледаност кај публиката за мене ќе мораат да издвојат не помалку од 100.000 евра“ – ќе изјави неодамна Спејко за босанскиот портал Ексклузива.ба!
Дали некој ќе го одврзе кесето и ќе биде подготвен на кумановско-струмичката љубовна двојка модни блогери да им плати сума колкава што побара и Станија за да влезе во реално шоу, ќе дознаеме наскоро. Во меѓувреме, уживајте во жешките кадри од нивниот љубовен видео едиторијал:
