Пејачката Александра Пријовиќ и Филип Живојиновиќ се семејни луѓе, а среќата на синот Александaр им е на прво место.
– Од моментот кога се роди, тој не е само глава на куќата, туку и глава на нашите животи. Александар е нашата најголема среќа и љубов – изјави во една прилика Александра, која често може да се види лежерно облечена и без шминка како си игра со мало дете во блискиот парк.
Иако уживаат да бидат родители, Александра и Филип, како и повеќето млади парови, се потпираат на помошта на нивните баби Зорица и Борка, кои го обожаваат нивниот внук.
– Александар е миленик на нашите семејства, сите се натпреваруваат да поминат време со него – рече таа. Сепак, една од најпопуларните пејачки се врати на работа три месеци по породувањето, а со цел нивниот син да биде толку згрижен што е можно повеќе, ангажирале дадилка која им помага кога поради обврски мора да излезат од дома.
Во меѓувреме, според упатените, таа жена станала член на нивното семејство и стекнала голема доверба.
– Имавме строги критериуми при изборот на дадилка. Ни беше важно таа да биде грижлива, да ги сака децата и да учествува во неговото воспитување на најдобар можен начин. Токму тоа го најдовме – изјави пејачката која три и пол години успешно се спротивставува на споделувањето фотографии од момчето со јавноста.
Како што славната двојка нема ништо друго освен пофални зборови за дадилката, така и таа зборува за своите работодавци со избрани зборови. Напријателите им се доверила дека Александра и Филип се исклучително грижливи родители, дека момчето расте опкружено со љубов и внимание, а мама и тато се трудат да му ја исполнат секоја желба.
Фото:Принтскрин/Инстаграм/Ф.Живојиновиќ/Часлав Вукојичиќ
