Американските медиуми пренесуваат вест дека најмладата милијадерка Кајли Џенер можеби раскинала со своето момче и таткото на нејзиното дете, раперот Тревис Скот.
Медиумите поради три работи се посомневале дека познатиот пар не е во врска, но причината за наводното раскинување не се знае бидејќи досега се пишуваше дека се еден од најстабилните бракови и дека наскоро ќе застанат пред олтар.
Парот неодамна се фотографираше за списанието „Плејбој“. Како прв доказ за нивното наводно раскинување се наведува фотографијата која Кајли ја објави на „Инстаграм“, а во описот напиша:
„Ова не е игра, момче“.
Како друг доказ кој наведува дека раскинале е коментарот на нејзината пријателка: „Направено за соло игра“, а како трети и најважнен доказ е дека на истата фотографија во позадина на полица не стои нивната заедничка фотографија која претходно секогаш беше тука.
Кајли и Тревис се заедно од 2017 година кога се запознале на фестивалот „Coachella“ на кој тој настапуваше како дел од својата турнеја.
