Анѓела Игњатовиќ Бресквица, финалистката на „Песна за Евровизија“ беше обвинета за манипулација со гласовите, но нејзиниот одговор за тоа дојде брзо.
Младата пејачка Анѓела Игњатовиќ Бресквица се пласираше во финалето на „Песна на Евровизија“ во првата полуфинална вечер. Бресквица уште пред почетокот на натпреварувањето се истакна како една од апсолутните фаворити со песната „Орлово гнездо“.
Иако поминаа речиси три дена од нејзиното претставување, коментарите на социјалните мрежи не стивнуваат.
48 часа пред почетокот на финалната вечер, на социјалната мрежа „Х“ се појави преписка од непознат извор од која можеше да се заклучи дека натпреварувачката некако манипулира со гласовите.
– Дали има некој заинтересиран да работи во сабота? Можат и девојки и мажи, работата трае од 20:30 до 23:30, треба да праќате смс пораки во одредено време од SIM картичката што ја добивате, гласањето е за Беовизија. Веднаш штом ќе заврши гласањето, можете да отидете со знаење дека сте го испратиле вистинскиот број. Дневницата е 2000 рсд, обезбедени се пијалоци. Локација еден хотел на Баново Брдо. Кој ќе реши да ме контактира приватно, детално ќе објаснам – стои во преписката.
– Дали навистина има ботови за PZE? Луѓе, овошката изгледа е вистински државен проект – напишал корисник на оваа социјална мрежа кој ја споделил преписката.
Иако во спорната порака не е наведено конкретно за кого се наменети гласовите, публиката се посомнева и дека се работи за Бресквица. Една од причините за таквиот став е фактот што музичката куќа на пејачката „Генерација Зед“ се наоѓа токму на Баново Брдо, како што наведуваат во коментар корисниците на „Икса“. Ваквите обвинувања ја повредија младата уметница, а таа реши да не молчи за овој напад врз неа. На оваа тема Бресквица проговори вчера преку својот Инстаграм профил.
– По приказните и обвинувањата дека мојата песна е „геноцидна“ и дека кога ја пеев имав друга емоција освен љубовта кон мојата земја и музиката, еве сега измислени пораки за некаков „платен глас“ за мене. Нема да се повлечам и нема да молчам, бидејќи имам лице, чест и воспитување кое никогаш во животот не би ми дозволило таков срам. Срамот е ваш, а љубовта е моја. Љубовта кон таа песна, кон музиката, кон Србија каде што сум родена. И да, имам силна желба да одам на Евровизија, верувајте, не знаете ни колку сакам да одам. Никогаш не би се разгалила себеси и своите корени. Срамот е ваш што го правите ова. Кој победи нека победи чесно – напиша Бресквица на својата инстаграм приказна.
Фото: printskrin/instagram
