Британскиот крал Чарлс (74) му оддаде посебна чест на гитаристот на групата „Квин“ Брајан Меј (75) со тоа што на денешната официјална церемонија го прогласи за витез.
Церемонијата се одржа во Бакингемската палата, а гитаристот се заблагодари на својот инстаграм-профил.
Брајан беше прогласен за витез на церемонијата и отсега ќе биде познат како Сер Брајан Меј. Тој беше заслужен за основањето на „Квин“, а наградата ја доби за придонес во музиката и за хуманитарната работа.
Меј се огласил за агенцијата АП и рекол дека се надева дека оваа титула ќе му помогне во борбата за правда и за луѓето кои немаат глас и додаде:
– Можеби сега повеќе луѓе ќе слушаат што имам да кажам отколку порано, вели Сер Брајан Меј.
Во 2002 година, по повод 50-годишнината од владеењето на кралицата Елизабета Втора, Брајан ја отсвири химната „Господе, спаси ја кралицата“ на покривот на Бакингемската палата, а настапи во 2022 година по повод 70-годишнината од владеењето на кралица.
Тој рече дека, сепак, постои некој кој повеќе се радува на титулата витез. Станува збор за неговата сопруга Анита Добсон.
Arise Sir Brian May ⚔️🎸
Brian’s investiture as a Knight of The Realm took place today at Buckingham Palace. The knighthood was presented to Brian by His Royal Highness, King Charles.Many congratulations, Sir Brian!
📸©️ Alamy pic.twitter.com/nE3ZmfvPSZ
— Queen (@QueenWillRock) March 14, 2023
– Воодушевена е, многу е среќна поради тоа. Да, леди Анита ќе ужива, а возбуден сум што можам да и го пренесам тоа на некој начин. Ме прави горд што ја доби честа покрај мене бидејќи Господ знае дека без неа немаше да бидам тука – изјавил Меј, кој со Анита е во брак 22 години.
фото:Јутјуб/Твитер принтскрин
