Автобиографијата на принцот Хари, „Резерва“ (Spare), излезе на македонски јазик, во издание на „Арс Либрис“, дел од „Арс Ламина – публикации“.
Мемоарите на војводата од Сасекс беа објавени на почетокот на оваа година и за кратко време станаа еден од најбараните наслови. Според Гинисова книга на рекорди, „Резерва“ е најбрзо продаваната книга од областа на нефикција на сите времиња. Книгата е бестселер на „Њујорк тајмс“ и доби генерално позитивни оценки од критичарите. Досега е преведена на повеќе од 15 јазици, меѓу кои и македонски.
Во книгата, Хари пишува за неговото детство, длабокиот ефект од смртта на мајка му Дијана, проблематичните тинејџерски години, службата во британската армија во Авганистан и за односите со семејството.
Книгата првично беше објавена на англиски јазик, на 10-ти јануари оваа година, во издание на „Пингвин рандом хаус“. Покрај печатената, има и 15-часовна аудиокнига, во која зборува самиот Хари.
Поврзани вести
Скандал го потресе кралското семејство: Поранешна стриптизета има намера да објави провокативни фотографии од принцот Хари (фото)
„Со тебе можам да спијам само кога сум пијан“: Aца Лукас откри што и рекол на поранешната сопруга (фото)
