Арнолд Шварценегер на својот Инстаграм профил објави фотографија со легендарниот Дени ДеВито, а фановите кои ги гледаа во филмот „Близнаци“ беа воодушевени од нивното повторно обединување.
Арнолд позираше со легендарниот актер Дени ДеВито и неговата ќерка Луси Де Вито, а фотографијата многумина потсети на комедијата „Близнаци“ од 1988 година во која глумеа заедно.
”Мојот брат! Беше фантастично да се види Дени на Бродвеј во „I Need That“. Тој, Луси и сите вклучени ја забавуваа публиката, ја насмеаа и уживаа во секоја минута – една од најдобрите претстави што сум ги видел, вистински спектакл“, напишал Арнолд во описот и го пофали новиот потфат на својот пријател.
По одличниот филм „Близнаци“, Арнолд и Дени планираат да направат продолжение. Проектот се работеше веќе некое време, но беше одложен откако режисерот на оригиналниот филм, Иван Рајтман, почина на 75-годишна возраст во февруари. 2022 година.
View this post on Instagram
Рајтман требаше да се врати за продолжението, во кое браќата ќе откријат дека се тројки, па новото продолжение ќе се вика „Тројка“.
Имаше написи кои сугерираа дека Еди Марфи ќе се приклучи на екипата во продолжението, а наводно неодамна Трејси Морган требало да ја преземе улогата.
„Рајтман навистина сакаше да го направи продолжението. И јас и Дени сакавме да го снимиме тоа. Сепак, кога Рајтман почина, неговиот син реши да прекине со сè“, изјавил неодамна Арнолд.
Сепак, фановите нема да бидат разочарани бидејќи Арнолд откри дека работи на нов филм со Дени ДеВито.
фото: You Tube printscreen/ Universal Pictures
Поврзани вести
Имал тежок живот: Мајката на Шварценегер починала на гробот на неговиот татко, а брат му загинал во сообраќајка
„Младите треба да страдаат“: Шварценегер откри со какви методи ги воспитувал своите пет деца (фото)
