Воопшто нема да биде изненадување ако во оваа сезона на најдобрите од музичкото шоу „Пинк Ѕвездички-all stars“, нашата Антониа Гиговска ја однесе победата.
Таа постави високи критериуми меѓу останатите учесници, а пак членовите на жирито мораат да бидат построги кон останатите и реално да гледаат и на малите пропусти.
Тоа оди во прилог на Антониа, а секое ново издание и нејзина изведба добива само ласкави коментари. Некои од судиите веќе и кажаа дека таа има сигурен пат кон ѕвездите со својот моќен вокал и однос на сцената.
Наклонети на нашата натпреварувачка се сите членови од жирито на шоуто, а за време на снимањата нивната релација станува поблиска. Па така, деновиве се снимаше нова емисија, а Антониа на својот Инстаграм објави снимка на која е во друштво на пејачот Милан Станковиќ, кој е судија во жирито, а заедно запеаја за своите следбеници на социјалната мрежа.
Очигледно дека Милан веќе ја доживува Антониа како колешка, но и добра пријателка со која релацијата им станала поблиска и кога не се само еден спроти друг како судија и натпреварувач.
Стискаме палци за Антониа, која токму поради своите вокални квалитети годинава ќе биде придружен вокал на Тамара Тодевска на Евровизија во Тел Авив.
фото:инстаграм/антониагиговска
