Додека во тек е промоцијата на нејзиниот нов сингл „Топло-ладно“, односно српската верзија која носи наслов „Одлучи се“, Лина Пејовска се одлучи да ја преработи единствената песна на српската колешка Анастасија Ражњатовиќ.
Во придружба само на пијано, Лина ги презентираше вокалните способности. Дали пресудно во изборот на песната за препев е фактот што авторот на песните на обете пејачки им е ист – нашиот Дарко Димитров, или Лина ја избрала песната на Анастасија, само затоа што оваа е ќерка на Цеца, останува енигма, иако многумина сметаат дека нејзината верзија е „совршена копија“, дури подобра и од оригиналот на „Савршен пар“.
За само неколку дена од објавувањето, видеото собра околу 240.000 прегледи на Јутјуб, како и стотици позитивни коментари и пофалби за 16-годишната „ѕвезда што се раѓа“.
Како звучи кога Лина ја пее Анастасија, дознајте во продолжение.
https://www.youtube.com/watch?time_continue=51&v=Soz-sm40Exk
