„Точно е дека кога жена менува фризура, менува и нешто друго во животот… во случајов нов термин со нова емисија. ФРОНТ нема да биде обична контакнта емисија…ќе биде ФРОНТ на мислењата на граѓаните, во мигови кога се отворени многу жешки прашања…“ – напиша неодамна на својот Фејсбук профил водителката на „Фронт“ – новиот проект на Канал 5 ТВ, Анастасија Деа Богданоска.
И не дека не е во право… Апсолутно точна и е констатацијата дека жена менува фризура кога менува и нешто друго во животот… Тогаш мислеше на концептот на новата емисија, ама не ќе да било (само) до тоа! Деа не додржа, па не мина долго за да ја открие вистинската причина за промената… И на фризурата и на она, што тогаш го „скри“ под плаштот на новиот телевизиски концепт. Во прашање е нешто сосема друго и се вика… женска амбиција!
Имено, таа објави нов статус, па дури ја смени и насловната фотографија на својот профил, а во него еве што обзнани шармантната водителка:
„Не е постер за избори 20ХХ… Иако јас ги знам проблемите на граѓаните мноооогу подобро и одблиску. Плус, кај ќе најдете ваков шармантен претседател на Влада/држава…?“ – „шеговито“ напишала Фронт(менката) на новата дебатна емисија на телевизијата.
Па сега ти види, зошто Деа ја менуваше фризурата? До душа, можете да ја сфатите како сакате – сериозно или шеговито, ама во секоја шега нели има половина вистина? Овде по се’ изгледа има и цела амбиција… И тоа политичка!
Денес Деа срамежливо најави, утре можеби ќе ја видиме како најавува кандидатура… Како кандидат на некоја политичка опција! Па, кога можеа дузина (Ф)черашни водителки и новинарки да станат портпаролки и советнички, може и Деа за претседател… на Влада/држава, бирајте?! Ангела, Колинда, Анастасија…
