Амал Клуни симна десет години од лицето: Сопругата на Џорџ Клуни воодушеви со нејзината промена (фото)

Една од најубавите жени во светот повторно ги воодушеви жените ширум светот.

Познатата адвокатка и сопруга на познатиот актер Џорџ Клуни, Амал Клуни, не мора да направи нешто големо за да го привлече вниманието на јавноста. Околу неа се собрани бројни модни познавачи, но и сите оние кои сакаат да изгледаат убаво како Амал.

Внимателно го следат секој нејзин чекор и веднаш забележуваат и најмала промена во нејзиниот изглед. Така беше неодамна кога Амал направи мала промена во својот изглед, а тоа се однесуваше на нејзината коса, која ја испреплетела со неколку полесни прамени.  многумина ќе се сложат дека со овој потег симна најмалку десет години од лицето, а сите забележаа дека значително го освежила својот изглед.

Пред околу една недела таа се појави рака под рака со сопругот, во прекрасен сребрен фустан, а потоа сите ја забележаа нејзината промена на бојата на косата. Иако тоа беше многу дискретна промена, таа не остана незабележана. Со оглед на тоа дека никогаш не била некој што премногу експериментира со својата фризура, а одвреме-навреме ја осветлувала само неколку нијанси, новата боја на коса која ја открил нејзиниот фризер Димитрис Џанетос и од прва ги воодушеви жените.

Фризурата на Амал е испреплетена со светли прамени во боја на мед, додека нејзината коса е извиткана во романтични бранови и локни кои само дополнително ја нагласија новата промена. Слободно можеме да кажеме дека убавата адвокатка блескаше со „сончеви“ прамени кои ги истакнаа нејзините јаболчници и го ублажија контрастот што претходно постоеше меѓу бојата на косата и лицето.

Фото: Принтскрин/Инстаграм/ЕПА/Клаудио Онорати