Огнен Здравковски открива каква е Марија Шерифовиќ приватно

Пред финалето на регионалниот музички натпревар „Ѕвездите на Гранд“, менторката и член на жирито, Марија Шерифовиќ, ги однесе своите финалисти во Париз.

Меѓу нив, можност да ја ужива и искуси оваа привилегија ја имаше скопјанецот Огнен Здравковски.

Во изјава за порталот Точка.ком.мк, Оги ракажа какви се наговите импресии од дружбата во француската метропола, но кусо проговори и за тоа каква е Марија Шерифовиќ приватно.

 Марија е иста и пред камери и позади камери.. Пред се она е човек со преголемо срце, што ако те засака се ќе направи за тебе.. Она во моето срце и во мојот живот ќе има посебно место засекогаш! – вели Здравковски за Марија која неколку месеци работеше на подобрување на неговата вокална изведба.

За она што им се случувало таму вели дека ќе го зачува за себе, но најмногу ќе го памети возењето на електричен тротинет низ Париз.

Досега Оги и Марија функционираа одлично, а не се сомневаме дека нивната релација на професионално и приватно ниво ќе продолжи, па можеби ќе слушнеме и некој дует.