Поради давање мито и признание за сторено кривично дело, ѕвездата на серијата „Очајни домаќинки“, Фелисти Хофман ќе оди во затвор.
Нејзе и се заканува казна затвор од четири до 10 месеци, но актерката се спогодила со обвинителството, кое и изрече казна од четири месеци со мала парична надомест и година дена условно пуштање на слобода.
Срам ми е поради тоа што го направив, тоа беше погрешно. Тоа што сакав да и помогнам на ќерката не е изговор за кршење на законот и непочитување, изјави Фелисити.
Според пишувањето на американските медиуми, актерката затворската ќелија ќе ја дели со уште две до три жени, а нејзините дневни задолженија би вклучувале и чистење на тоалети.
