Претставниците на Исланд во првата полуфинална вечер на 64-та Евровизија во Израел, дефинитивно засега го имаа најконтроверзниот настап.
Бендот „Хатари“, настапи со песната „Hatrio mun sigra“ и многумина остави со подотворена уста.
Синџири, кожа, голотија и морничави покрети имаа на сцената, а не се сомневаме дека гледачите имале впечаток дека гледаат краток садомазо хорор филм.
Бидејќи Евровизија се одржува под слоганот „Dare to dream“ или „Осмели се да сонуваш“, овие претставници очигледно добро си ја сфатиле задачата.
Инаку, и во моментот кога прогласија дека се пласирани во финале, претставниците на Исланд имаа студени лица без реакција.
