Иако е доста млад, Предраг Васиќ има тринаесетгодишна актерска кариера. Гледачите го засакаа како малиот Станоја во „Монтевидео“, а моментално публиката го гледа како компјутерски гениј во тинејџерската серија „Мојата генерација З“.
Младиот актер вели дека со тој лик нема никаква сличност приватно. Тој вели дека на проектите на кои работел досега , соработувал со постари колеги.
-Во серијата каде сум технолошки супериорен конечно бевме главни ние- врсниците. Затоа не можам да издвојам било кој бидејќи беше тимска работа, вели младиот актер и нагласува дека многу ситуации низ кои минуваат младите, на жалост не се подготвени или не умеат да побараат помош во вистински момент.
-Затоа сите прават грешки во текот на растењето, па потоа се каат. Се надевам дека луѓето ќе се огледаат на ликовите и понекогаш не постапат како нив, односно ќе научат на грешките на ликовите, а не на своите – смета Предраг.
Актерот моментално најмногу игра во претстави во Народниот театар и открива дека секогаш може да се потпре на помошта од повозрасните колеги. На прашањето дали можеби ќе се појави во продолжението на серијата „Сенки над балканот“, Предграг одговара:
-Не знам што би можело да се случи во иднина. Тоа никој не го знае, завршува тој.
